Сусветная лёгкаатлетычная асацыяцыя са шкадаваннем паведамляе аб тым, што сумесна з аргкамітэтам чэмпіянату свету ў памяшканні, які павінен быў прайсці з 19 па 21 сакавіка ў Нанкіне, прынята рашэнне аб пераносе турніру на сакавік 2023 года.
World Athletics і Кітайская федэрацыя лёгкай атлетыкі пастаянна кантралявалі і ацэньвалі эпідэміялагічную сітуацыю ў свеце, і павінны прызнаць, што цяжка рабіць прагнозы на пачатак года. Для забеспячэння бяспекі спартсменаў, суддзяў, тэхнічнага персаналу трэба належным чынам улічваць рызыкі, звязаныя з прыцягненнем вялікай групы людзей для ўдзелу ў мерапрыемстве ва ўмовах пандэміі, і цалкам прымаць палітыку прадухілення пандэміі прымаючай краіны.
Зімовы сезон трапляе на вузкае акно (да канца сакавіка), таму немагчыма было перанесці чэмпіянат на больш позні тэрмін у 2021 годзе.
Улічваючы планаванне і падрыхтоўку, Сусветная лёгкаатлетычная асацыяцыя зацікаўлена ў тым, каб чэмпіянат свету ў памяшканні прайшоў у Нанкіне. Таму была дасягнутая дамоўленасць аб тым, што Кітай прыме ў сябе зімовы форум праз год пасля Белграда, дзе ЧС у памяшканні запланаваны на 2022 год.