Вітаем усіх прыхільнікаў каралевы спорту! З нашага дайджэста вы зможаце даведацца пра апошнія падзеі са свету лёгкай атлетыкі.
***
Сусветная лёгкаатлетычная асацыяцыя абвясціла імёны намінантаў на прэмію «Лёгкаатлет года» і «Лёгкаатлетка года». У мужчын на званне прэтэндуюць: Donavan Brazier, Joshua Cheptegei, Timothy Cheruiyot, Ryan Crouser, Mondo Duplantis, Jacob Kiplimo, Noah Lyles, Daniel Stahl, Johannes Vetter і Karsten Warholm.
Сярод жанчын намініраваны Femke Bol, Letesenbet Gidey, Sifan Hassan, Peres Jepchirchir, Faith Kipyegon, Laura Muir, Hellen Obiri, Yulimar Rojas, Elaine Thompson і Ababel Yeshaneh. Спартсмены былі абраныя міжнароднай групай экспертаў з усіх шасці кантынентаў. Галасы Савета Сусветнай лёгкаатлетычнай асацыяцыі складуць 50% выніковага рэзультату. Па 25% складуць галасы федэрацый-членаў і вынікі галасавання ў сацыяльных сетках. Галасаванне завершыцца 15 лістапада, па яго выніках СЛА абвесціць пяцёркі фіналістаў. А вось імя спартсмена і спартсменкі года будзе абвешчана 5 снежня 2020 года ў прамым эфіры на цырымоніі World Athletics Awards.
***
Федэрацыя лёгкай атлетыкі Вялікабрытаніі абвясціла аб 12-гадовай праграме, якая наперад абвяшчае «новую эру ў супрацоўніцтве паміж федэрацыяй Вялікабрытаніі і федэрацыямі Англіі, Шатландыі, Уэльса і Паўночнай Ірландыі». Разам яны стварылі стратэгію «Аб'яднаная атлетыка – узмацняючы патэнцыял, павышаючы вопыт, забяспечваючы поспех 2020-2032». Адна з мэтаў, напрыклад, на Алімпійскіх гульнях 2032 мець прадстаўнікоў Злучанага Каралеўства ў кожнай дысцыпліне. Яшчэ адна мэта – «сусветна прызнаная інфраструктура лёгкаатлетычных і бегавых клубаў, турніраў і трэнераў, якія налічваюць 250000 зарэгістраваных спартсменаў па ўсёй Вялікабрытаніі да 2032 года». Трэцяя ключавая задача – гэта 9 мільёнаў рэгулярных удзельнікаў у спартыўных, бегавых і паралімпійскіх мерапрыемствах да 2032 года.
***
Прэзідэнт Сусветнай лёгкаатлетычнай асацыяцыі Себасцьян Коэ кажа, што Токіа поўны рашучасці правесці Гульні ў наступным годзе нягледзячы на пандэмію, якая працягваецца і якая вымусіла перанесці Алімпіяду на год. «Будучыня незразумела, але дазвольце мне сказаць пару аптымістычных слоў. Я нядаўна наведаў Токіа і правёў сустрэчы з высокапастаўленымі асобамі, якія ўключаюць міністраў з урада. І там я ўбачыў жалезную рашучасць правесці Гульні», – кажа Коэ.
***
Пасля заваёўвання сярэбранага медаля на чэмпіянаце свету па паўмарафоне Melat Kejeta стала «Атлеткай кастрычніка» ў Германіі.
***
Еўрапейская лёгкаатлетычная асацыяцыя прадставіла імёны намінантаў на званне «Спартсмена кастрычніка». У мужчын на перамогу прэтэндуюць Morhad Amdouni, Perseus Karlstrom, Matej Toth і Sasha Zhoya.
У жанчын – Karoline Grovdal, Sifan Hassan, Melat Kajeta і Antonella Palmisano.
***
Чэмпіён Еўропы сярод моладзі па кросе француз Jimmy Gressier адмовіўся ад збораў у Партугаліі з-за абмежаванняў, звязаных з каронавірусам. L'Equipe паведамляе, што спартсмен плануе прабегчы 3000м у Льевене 9 лютага. Таксама Gressier кажа, што пакуль не вырашыў на якой дыстанцыі сканцэнтравацца ў сваёй падрыхтоўцы да Алімпійскіх гульняў: 1500м, 3000м з/п або 5000м.
***
Дзеючая чэмпіёнка Расіі ў сяміборстве Аляксандра Бутвіна стала прэзідэнтам Федэрацыі лёгкай атлетыкі Растоўскай вобласці. Аляксандра змяніла на гэтай пасадзе Ігара Салянкіна. Таксама быў абраны новы прэзідыум. «Мы вырашылі кардынальна змяніць федэрацыю. У нас атрымалася добрая каманда, нацэленая на развіццё нашай любімай лёгкай атлетыкі! Пра многія моманты, вядома, трэба будзе даведацца і вывучыць іх, мы ўжо пачалі працаваць у гэтым кірунку», – распавяла Аляксандра Бутвіна ў інтэрв'ю прэс-службе УФЛА. Яна таксама дадала, што плануе працягваць спартыўную кар'еру ў 2021 годзе, а выязджаючы на трэніровачныя зборы, будзе перадаваць паўнамоцтвы віцэ-прэзідэнтам. Але нават знаходзячыся па-за офісам, Аляксандра плануе працаваць дыстанцыйна і ўсё трымаць пад кантролем.
***
У Расіі працягваецца галасаванне за лаўрэатаў нацыянальнай спартыўнай прэміі 2020. Сярод намінантак на званне «Спартсменкі года» – дзеючая чэмпіёнка свету ў скачку з шастом Анжаліка Сідарава. А Марыя Ласіцкене трапіла ў лік намінантаў першага Нацыянальнага конкурсу лідараў спартыўнай медыя-індустрыі. Першая ў гісторыі трохкратная чэмпіёнка свету ў скачку ў вышыню прадстаўлена ў намінацыі «Самая папулярная спартсменка». Марыя стала адзінай прадстаўніцай лёгкай атлетыкі ў ліку канкурсантаў.
