Дарагія чытачы, для вас па традыцыі навінны дайджэст са свету лёгкай атлетыкі.
***
Сусветная лёгкаатлетычная асацыяцыя абвясціла прэтэндэнтаў на атрыманне новай узнагароды «Найлепшая федэрацыя». Крытэрамі для адбору намінантаў сталі правядзенне натхняльных мерапрыемстваў, іх адаптацыя да сітуацыі, якая склалася з-за пандэміі каронавіруса. Кандыдатамі на атрыманне прыза сталі па адной федэрацыі ад кожнага кантынента: Кенійская лёгкаатлетычная федэрацыя (ад Лёгкаатлетычнай канфедэрацыі Афрыкі), Федэрацыя Новай Зеландыі (ад лёгкаатлетычнай асацыяцыі Акіяніі), Нікарагуанскага федэрацыя (ад лёгкаатлетычнай асацыяцыі Паўночнай і Цэнтральнай Амерыкі і краін Карыбскага басейна), Федэрацыя Палестыны (ад Азіяцкай лёгкаатлетычнай асацыяцыі), Федэрацыя Перу (ад лёгкаатлетычны канфедэрацыі Паўднёвай Амерыкі) і Федэрацыя Польшчы (ад Еўрапейскай лёгкаатлетычнай асацыяцыі).
***
Сярэбраны прызёр чэмпіянату свету ў скачку ў вышыню украінка Яраслава Магучых плануе выступаць у зімовым сезоне-2021, паведамляе ФЛАУ. «Я буду выступаць у зімовым сезоне, але пакуль няма ніякай канкрэтыкі. Усё, што я ведаю, што мы плануем паспаборнічаць на турніры па скачках у вышыню ў Банска-Бістрыцы ў лютым. Што да іншых турніраў... улічваючы нестабільную сітуацыю ў свеце з каронавірусам, казаць пра гэта пакуль рана», – кажа спартсменка. У цяперашні час Магучых трэніруецца ў Дняпры напярэдадні сезону 2021, хоць спадзяецца 22 лістапада адправіцца ў Партугалію на свой першы трэніровачны збор у гэтым сезоне. «Ці адбудзецца ён ці не, будзе залежаць ад таго, ці будуць адкрытыя межы», – дадае Яраслава.
***
Італьянскі скакун з шастом Claudio Stecchi рыхтуецца да сезону-2021 на Сіцыліі пад кіраўніцтвам чэмпіёна свету 2003 года Giuseppi Gibilesco. Атлет плануе паўнавартасны зімовы сезон, а таксама спадзяецца трапіць на Алімпійскія гульні. Ён кажа: «Так, я рыхтуюся да зімы і хачу прыняць удзел і ў чэмпіянаце свету, і ў чэмпіянаце Еўропы». Таксама Stecchi накіраваны перапісаць нацыянальны рэкорд – 5.90, які належыць яго трэнеру: «Я хачу падабрацца як мага бліжэй да нацыянальнага рэкорду. Патрэбна правільная канкурэнцыя, добрае здароўе і ўпэўненасць. Зараз, калі я спаборнічаю з вядомымі спартсменамі, я не адчуваю сябе чужым». Нацыянальны рэкорд у памяшканні таксама належыць Gibilesco і роўны 5.82.
***
Прэзідэнт МАК Томас Бах выказаў здагадку, што арганізацыя можа ўзяць на сябе частку выдаткаў па вакцынацыі супраць каронавіруса ўдзельнікаў напярэдадні Алімпійскіх гульняў у наступным годзе, калі да гэтага моманту вакцына будзе распрацавана. Бах кажа, што вакцынацыя не можа быць абавязковай, але будзе пажаданай як для ўдзельнікаў, так і для гледачоў. Таксама Урад Японіі вырашыў вызваліць замежных спартсменаў і гледачоў, якія прыедуць на Алімпіяду ў Токіа ў 2021 годзе, ад неабходнасці праходзіць двухтыднёвы каранцін, але толькі ў выпадку, калі яны будуць прыбываць з краін са спрыяльным эпідэміялагічным становішчам.
***
Айла Дэль Понтэ і Сымон Эхаммер былі абраныя лёгкаатлетамі года ў Швейцарыі. Дэль Понтэ завяршыла сезон на верхнім радку еўрапейскага рэйтынгу ў бегу на 100м – 11.08, таксама атрымала перамогі на этапах Брыльянтавай лігі ў Манака і Стакгольме. Эхаммер двойчы зарабляў больш за 8000 ачкоў у дзесяцібор'і і ўстанавіў маладзёжны рэкорд Швейцарыі ў скачку ў даўжыню – 8.15. 18-гадовая Ditaji Kambundji, якая ўстанавіла РВ 13.07 у бегу на 100 м з/б, прызнаная найлепшай маладой спартсменкай.
***
Штогадовая Канферэнцыя Кенійскай федэрацыі лёгкай атлетыкі пройдзе з 2 па 5 снежня ў Найробі. Кенія рыхтуецца адправіць зборныя на чэмпіянат свету з 19 па 21 сакавіка ў Нанкін і чэмпіянат свету па лёгкаатлетычных эстафетах з 1 па 2 мая ў Сілезію. Федэрацыя хоча правесці адбор на Алімпійскія гульні на дыстанцыі 10000м асобна ад іншых відаў у сувязі з вельмі загружаным календаром. Плануецца, што адбор у бегу на 10000м пройдзе 26-27 чэрвеня, а ў іншых дысцыплінах – 2 і 3 ліпеня.
***
Нягледзячы на пандэмію каронавіруса Іспанская федэрацыя лёгкай атлетыкі ў 2020 годзе зарэгістравала 84 нацыянальныя рэкорды і найвышэйшыя дасягненні ў розных узроставых катэгорыях.
***
Арганізатары турніру Hypomeeting у аўстрыйскім Гётцысе (аднаго з найлепшых у календары мнагаборцаў) працягнулі кантракт на тэлевяшчанне з кампаніяй ORF да 2023. Супрацоўніцтву ўжо шмат гадоў і яно ўключае тэлетрансляцыю, навіны і прамы эфір у сацыяльных сетках.
***
Федэрацыя лёгкай атлетыкі Белгародскай вобласці вылучыла кіраўніка маскоўскай федэрацыі Алега Курбатава ў якасці кандыдата на пасаду прэзідэнта Усерасійскай федэрацыі лёгкай атлетыкі. Усяго на пасаду кіраўніка арганізацыі цяпер прэтэндуюць пяць чалавек – Курбатаў, Ірына Прывалава, Пётр Іваноў, Андрэй Шляпнікаў і Міхаіл Гусеў. Выбары пройдуць 30 лістапада на справаздачна-выбарчай канферэнцыі арганізацыі, якая павінна адбыцца ў Маскве. Да выбараў новага кіраўніка арганізацыі абавязкі прэзідэнта выконвае Яўген Юрчанка. Курбатаў першапачаткова быў кандыдатам на пасаду прэзідэнта УФЛА на лютаўскіх выбарах арганізацыі, аднак яго кандыдатура ў выніку была адхіленая з-за неадпаведнасці крытэрам. Алег Курбатаў з'яўляецца майстрам спорту па лёгкай атлетыцы, у 1986 годзе ён выйграў першынство СССР сярод юніёраў у скачках у даўжыню і стаў адным з пераможцаў юніёрскага матчу паміж зборнымі СССР і ГДР. У 2019 годзе Курбатаў вярнуўся на пасаду прэзідэнта Федэрацыі лёгкай атлетыкі Масквы, раней ён узначальваў арганізацыю з 1998 па 2011 год. У 2000-2004, 2008-2015 гадах Курбатаў займаў пасаду віцэ-прэзідэнта УФЛА.
