СЕМІНАР НА ТЭМУ "СПАРТЫЎНЫЯ ТРАЎМЫ І ЯК ІХ ПАЗБЕГНУЦЬ" ПЕРАНОСІЦЦА!
04 ЛIСТАПАДА 2020
50


Добры дзень, дарагія ўдзельнікі семінара "Спартыўныя траўмы і як іх пазбегнуць"!

Беларуская федэрацыя лёгкай атлетыкі шчыра дзякуе вас за цікавасць да магчымасцяў навучання і павышэння ведаў у галіне спорту, а таксама за гатоўнасць прыняць удзел у нашым адукацыйным мерапрыемстве. Мы цэнім нашу супольнасць і хочам разам з вамі развіваць лёгкую атлетыку і бегавую культуру!

У адрас нашай арганізацыі паступілі рэкамендацыі ад міністэрства аховы здароўя Рэспублікі Беларусь аб прыняцці мер па прафілактыцы распаўсюджвання каронавіруснай інфекцыі (Covid-19). У сувязі з гэтым, мы са шкадаваннем вымушаныя канстатаваць, што запланаваны на 6 лістапада семінар пераносіцца на больш позні тэрмін.

Тым не менш, РЭГІСТРАЦЫЮ на семінар мы пакідаем адкрытай. Усе зарэгістраваныя на дадзены момант удзельнікі і тыя, хто пазней выявіць жаданне прыняць удзел у мерапрыемстве, будуць дадаткова паведамленыя пра новую дату правядзення семінара.

Паводле апытання сярод зарэгістраваных удзельнікаў, большасць упадабала вочную форму правядзення нашай сустрэчы, якой мы, безумоўна, будзем рады!

Больш падрабязна пра тэму семінара, спікера і закранутыя пытанні, можна даведацца ТУТ.

Мы паведамім аб правядзенні сустрэчы адразу, як толькі гэта стане магчымым. Застаемся на сувязі! Будзем рады вашым пажаданням!