Гэты суботні дзень мы зноў хочам прысвяціць успамінам найлепшых момантаў чэмпіянату краіны, але сёння раскажам пра жаночыя забегі, якія радавалі гледачоў і балельшчыкаў выніковасцю і напалам. На працягу трох апошніх дзён мы прэзентавалі топ-5 скачкоў, топ-5 спробаў у кіданні і топ-7 мужчынскіх забегаў. Сёння мы зноў пра Беларускія лёгкаатлетычныя гульні.

ЭЛЬВІРА ГЕРМАН

Дзеючая чэмпіёнка Еўропы і рэкардсменка краіны сярод моладзі ў бегу на 100 метраў з бар'ерамі Эльвіра Герман на чэмпіянаце Беларусі па лёгкай атлетыцы зноў пакінула ў баку саперніц, пераадолеўшы дыстанцыю ў фінале за 12.87. Званне лідара зборнай пацверджана, рухаемся далей. А сёння ўспамінаем пра тое, як гэта было.

АЛІНА ЛУЧШАВА

На Кубку Беларусі па лёгкай атлетыцы, які прайшоў у пачатку ліпеня ў Брэсце, тады яшчэ 18-гадовая Аліна Лучшава паказала выдатны рэзультат у бегу на 400 метраў – 51.84, што з'яўляецца новым юніёрскім рэкордам краіны. На чэмпіянаце Беларусі, які прайшоў у жніўні ў трэці раз на Нацыянальным алімпійскім стадыёне "Дынама", спартсменка пацвердзіла лідарства ў краіне, пераадолеўшы круг у кампаніі старэйшых саперніц за 52.15. Вашай увазе фінальны забег з удзелам Аліны.

КРЫСЦІНА ЦІМАНОЎСКАЯ 100 МЕТРАЎ

Серыю перамог у рамках чэмпіянату краіны самая хуткая дзяўчына Беларусі адкрыла золатам у бегу на 100 метраў, паказаўшы ў фінале 11.51. Крыху ніжэй відэа забегу.

КРЫСЦІНА ЦІМАНОЎСКАЯ 200 МЕТРАЎ

Другую залатюу ўзнагароду чэмпіянату Беларусі па лёгкай атлетыцы заваявала лідар зборнай у спрынтарскім бегу, апярэдзіўшы саперніц у фінальным забегу з рэзультатам 23.44. Вашай увазе відэа фінальнага забегу.

ГАННА МІХАЙЛАВА

У трэці дзень чэмпіянату Беларусі Ганны Міхайлавай не было роўных у бегу на 400 метраў з бар'ерамі. А ў фінальным забегу спартсменка паўтарыла сваё асабістае дасягненне – 57.75 і першай перасекла фінішную рысу. У відэа, размешчаным крыху ніжэй, глядзіце пра тое, як гэта было.