ВІНШУЕМ З ДНЁМ ТРЭНЕРА!
Сёння, 30 кастрычніка, у нашай краіне святкуецца Дзень трэнера. Беларуская федэрацыя лёгкай атлетыкі ад усёй душы віншуе ўсіх датычных!
Дарагія настаўнікі! Ваша праца складаная і шматгранная: вы адкрываеце дзецям і дарослым дзверы ў свет спорту, вядзеце прафесіяналаў да Алімпійскіх вяршыняў, вучыце, выхоўваеце, ўкладваеце час, душу і сілы. Мы жадаем вам моцнага здароўя, сямейнага дабрабыту, энтузіязму і энергіі, бясконцага натхнення, годных і ўдзячных выхаванцаў і прафесійных перамог! У гэты дзень хочацца сказаць вам дзякуй за вашу працу, цярпенне, самааддачу, мудрасць і веру ў сваіх вучняў. Са святам!
