Усім чытачам нашага сайта прапануем правесці вечар суботы за чытаннем чарговай падборкі навін са свету лёгкай атлетыкі.
***
Сусветная лёгкаатлетычная асацыяцыя апублікавала справаздачу за 2019 год, згодна з якім даходы арганізацыі павялічыліся на 13% у параўнанні з папярэднім перыядам. Выручка вырасла да 51.1 млн долараў, часткова за кошт збору сродкаў ад Усерасійскай федэрацыі лёгкай атлетыкі за 2015-2019гг. Выдаткі знізіліся на 5,5% да 67.8 млн долараў з-за цыклічнасці віду спорту. Грашовыя рэзервы на канец года склалі 34.3 млн долараў. 17 млн долараў былі прысуджаны федэрацыям-сябрам за ініцыятывы на працягу чатырохгадовага перыяду.
Новыя партнёрскія адносіны з QNB (2018), Wanda Sport Group (2019) і перагляд Пагаднення аб партнёрстве з Dentsu часткова папоўнілі разрыў у даходах, выкліканы сыходам спонсараў. “Гэтыя кансалідаваныя фінансавыя справаздачы за 2019 год прыпадаюць на канец цяжкіх і бурных для нашага віду спорту чатырох гадоў, - сказаў Прэзідэнт Сусветнай лёгкаатлетычнай асацыяцыі Себасцьян Коэ. - Але калі апошнія чатыры гады былі часам пераменаў, то наступныя чатыры гады будуць часам для таго, каб пабудаваць наш спорт і нашу рэпутацыю як алімпійскага віду спорту № 1 з нуля. Прызначэнне нашым новым генеральным дырэктарам Джона Рыджана ў 2019 годзе азнаменавала сабой аднаўленне і паспяховую працу на фронце даходаў, а таксама надзейны падыход да перагляду працэсаў і прыярытэтаў ва ўсім бізнэсе, каб гарантаваць, што арганізацыя жыве па сродках і здольная скараціць выдаткі ў адпаведнасці з непастаянным асяроддзем, у якім мы ўсе знаходзімся. Памяншэнне непатрэбных выдаткаў у бізнэсе шляхам больш разумнай працы і вылучэння даходу толькі тады, калі гэта неабходна, ужо прыносіць дывідэнды і будзе працягваць рабіць гэта ў бліжэйшыя гады”.
***
Кенія і Найробі рыхтуюцца прыняць першы турнір на афрыканскай зямлі - залаты этап кантынентальнага тура, які адбудзецца 3 кастрычніка. Ажыятаж вакол гэтага старту высокі ў большай ступені з-за таго, што ён стане першым буйным міжнародным турнірам на кантыненце пасля сітуацыі з каронавірусам. «Гэта падзея вельмі важная, асабліва для Афрыкі, - кажа кіраўнік кенійскіх федэрацыі лёгкай атлетыкі Джэксан Тувей. - Яна зноў адкрые нашу краіну для спорту, бо пасля пандэміі ў Афрыцы не было ніякіх буйных чэмпіянатаў». Сярод удзельнікаў турніру будзе чэмпіён свету ў бегу на 1500м Timothy Cheruiyot, які прымаў удзел у анлайн-забегу на 2000м у Осла на Немагчымых гульнях і нядаўна перамог на «паўтарашцы» ў Манака. Удзел чэмпіёна свету ў бегу на 3000м з/п Conseslus Kipruto зараз пад пытаннем, так як нядаўна яго тэст на каронавірус паказаў станоўчы вынік і спартсмен не змог прыехаць у Манака на этап Брыльянтавай лігі. Арганізатары плануюць размясціць на 30-тысячным стадыёне 15000 гледачоў.
***
Учора на Гран-пры ў Познані Michal Haratyk перапісаў рэкорд стадыёна ў штурханні ядра - 21.55. Nick Ponzio стаў другім з рэзультатам 21.07, David Storl замкнуў тройку прызёраў, адправіўшы снарад на 20.58. У жаночым супрацьстаянні перамагла Paulina Guba - 17.97. Paweł Fajdek зноў кінуў молат за 78-метровую адзнаку - 78.06, Wojciech Nowicki заняў другое месца з рэзультатам 75.14. У жанчын перамогу атрымала Malwina Kopron - 72.48, Katarzyna Furmanek завяршыла спаборніцтвы на другім радку выніковага пратаколу - 71.63. Для перамогі ў скачку з шастом Piotr Lisek хапіла 5.72, Robert Sobera другі - 5.52. У бегу на 800м першай фінішную рысу перасекла Alex Bell - 2:01.60. На дыстанцыі 400м Małgorzata Hołub-Kowalik апярэдзіла Patrycja Wyciszkiewicz-Zawadzka - 52.34 і 53.43 адпаведна. Piers Copeland выйграў мужчынскую «паўтарашку» з рэзультатам 3:37.51. Adam Kszczot, які фінішаваў шостым, паказаў другі час у кар'еры - 3:38.69.
***
На турніры PTS Meeting (сярэбраны этап кантынентальнага тура), які адбыўся ўчора ў славацкім Шаморыне, амерыканскі спрынтар Mike Rodgers стаў пераможцам у бегу на 100 м з рэзультатам 10.15 (+0.3). Другім фінішаваў чэмпіён Нідэрландаў Taymir Burnet (10.37), трэцім - Jan Volko (10.38). Менавіта мужчынская 100-метроўка стала заключным відам спаборніцтваў, на якіх дазволілі прысутнічаць 300 гледачам. У рамках мемарыяла Eva Suranova беларуска Настасся Мірончык-Іванова стала не толькі пераможцай у скачку ў даўжыню, паляцеўшы на 6.70 (+0.2), але і перапісала рэкорд стадыёна. Яшчэ адзін рэкорд спартыўнай арэны ў бегу на 400м з/б цяпер належыць украінке Ганне Рыжыкавай - 55.21. Новаспечаная зорка славацкай лёгкай атлетыкі Emma Zapletalova лідзіравала па дыстанцыі, але збіла 9 бар'ер і ўпала. Таксама рэкорды абнавіліся і на гладкіх 400м як у мужчын, так і ў жанчын. Laiviai Nielsen пераадолела дыстанцыю за 51.70, апярэдзіўшы Lieke Klaver (51.92) і Barbora Malikova (52.35). У мужчынскім забегу перамог Jochem Dobber - 46.01, следам фінішавалі Rabah Yusif (46.13) і Oliver Murcko, які здзівіў усіх і з рэзультатам 46.29 перапісаў рэкорд Славакіі ў юніёрскай узроставай катэгорыі. Cindy Ofili перамагла ў бегу на 100 м з/б - 12.99 (+0.5). На бар'ернай 400-метроўцы лепшым стаў эстонец Rasmus Magi - 49.32. Славацкі скакун трайным Tomas Veszelka перамог фаварыта турніру Christian Taylor - 16.69 (+0.2) і 16.53 (+0.2) адпаведна. На 800-метроўцы SB перапісала Gabriela Gajanova - 2:01.26, асабісты рэкорд на рахунку Sara Kuivisto з Фінляндыі - 2:01.60, замкнула тройку прызёраў ірландка Nadia Power - 2:02.12. У спартыўнай хадзьбе на 3000м пераможцы мужчынскага і жаночага заходаў узначалілі рэйтынг сезона ў свеце: Miroslav Uradnik - 11:07.21 (алімпійскі чэмпіён Matej Toth фінішаваў другім з рэзультатам 11:22.47), Maria Katerinka Czakova - 12: 35.99. Лідар сусветнага сезона ў скачку ў вышыню Максім Недасекаў перамог, узяўшы з першай спробы 2.25, літоўцу Andrijus Glebauskas спатрэбілася двойчы выйсці ў сектар, каб узяць гэты рубеж.
***
На дарожкі і ў сектары на турніры ISTAF Meeting, які пройдзе заўтра ў Берліне, выйдзе 12 чэмпіёнаў свету. Karsten Warholm распачне яшчэ адну спробу перапісаць сусветны рэкорд у бегу на 400м з/б. Кідальнік кап'я Johannes Vetter таксама прадстаўляе пагрозу лепшага рэзультату на планеце. Чэмпіёнка свету ў скачку ў даўжыню Malaika Mihambo будзе сапернічаць з віцэ-чэмпіёнкай Марынай Бех-Раманчук. Christian Taylor сустрэнецца ў сектары для трайнога скачка з немцам Max Hess. У кіданні дыска за перамогу будуць змагацца дзеючы чэмпіён свету Daniel Stahl і чэмпіён свету 2017 года Andrius Gudžius. Laura Muir паспрабуе атрымаць 4-ю перамогу запар у бегу на 1500м. Шаставік Armand Duplantis паспрабуе зноў прадэманстраваць скачок за 6м. На старт жаночай 100-метроўцы выйдуць Dafne Schipper, Lisa Kwayie і Rebekka Haase.
***
Быў прадстаўлены лагатып чэмпіянату свету ў памяшканні 2022 года, які пройдзе ў Бялградзе. Чакаецца, што ў планетарным форуме, які пройдзе з 11 па 13 сакавіка 2022 года, прымуць удзел больш за 1000 спартсменаў з прыкладна 150 краін. Дызайнеры чэрпалі натхненне для стварэння лагатыпа з культуры і спадчыны Сербіі і Бялграда, а таксама з таго ўплыву, які лёгкая атлетыка аказвае на жыццё кожнага чалавека. Самыя важныя і гістарычныя будынкі і славутасці Бялграда: помнік князю Міхаілу, Бялградскі палац, крэпасць Калемегдан і мост Ада - прадстаўлены на лагатыпе, які ўвасабляе ініцыялы Сусветнай лёгкаатлетычнай асацыяцыі і ўключае ў сябе малюнак, які прадстаўляе лёгкаатлетычную дарожку ў колерах сербскага сцяга.
***
На чэмпіянаце Расіі ў Чалябінску бронзавым прызёрам планетарнага форуму ў скачку вышыню Ілле Іванюку хапіла рэзультату 2.24, каб стаць пераможцам нацыянальнага першынства. Аляксей Худзякоў выйграў чацвёрты чэмпіёнскі тытул у кіданні дыска - 62.18. Ільфат Садзееў перамог на 200-метроўцы з рэзультатам 21.12, у жаночым забегу перамогу атрымала Крысціна Хорашава - 23.66. Сцяпан Кекін стаў чэмпіёнам Расіі ў дзесяціборстве, набраўшы 7625 ачкоў. Аляксандра Бутвіна стала пераможцай у сяміборстве - 5610. У фінальны дзень турніру Кацярына Конева ў заключнай спробе вырвала перамогу ў трайным скачку - 14.74 (+2.7), пакінуўшы ззаду Дар'ю Нідбайкіну - 14.27 (+3.0). Марыя Ласіцкене ўпершыню ў сезоне выйшла ў сектар і заваявала 11-ы тытул чэмпіёнкі краіны ў кар'еры - 1.92. У кіданні молата ў мужчын уся тройка прызёраў пераадолела адзнаку ў 75м: Валерый Пронькін (75.85), Андрэй Раманаў (75.67) і Дзяніс Лук'янаў (75.47). Чэмпіёнамі Расіі таксама сталі: Дзяніс Абертышаў у трайным скачку - 16.83, у бегу на 1500м у жанчын - Аляксандра Гуляева (4:05.69), у мужчын - Сяргей Дуброўскі (3:44.21).
