Напярэдадні навагодніх святаў Беларуская федэрацыя лёгкай атлетыкі вырашыла размаляваць апошнія дні гэтак няпростага 2020 года, які ўнёс значныя карэктывы ў прафесійную дзейнасць людзей і іх жыцця, і 27 снежня, а 12:00, сабраць усіх аматараў бегу, спорту і здаровага ладу жыцця ў рамках асабіста-каманднага "Каляднага забегу". Месца сустрэчы – Мінск, вул. Каліноўскага, 111 – спартыўны комплекс "Рэспубліканскага цэнтра алімпійскай падрыхтоўкі па лёгкай атлетыцы".

ДЫСТАНЦЫІ

Любы жадаючы можа выбраць дыстанцыю па душы, а гэта 6 кіламетраў 650 метраў або 20 кіламетраў. Пераможцы і прызёры будуць вызначацца ў наступных узроставых катэгорыях: 30 гадоў і маладзейшыя, 31-40 гадоў, 41-50 гадоў, 51-60 гадоў, 61 і старэйшыя.

Таксама арганізатары прапануюць прыняць удзел у эстафетным бегу. У сямейным забегу таце неабходна пераадолець дыстанцыю 6.650, маці – 6 кіламетраў, а дзіцяці ва ўзросце 5-7 гадоў або 8-10 – 500-метровую дыстанцыю. Калі гаворка ідзе аб карпаратыўнай эстафеце, то: кожны з трох удзельнікаў каманды незалежна ад полу і ўзросту павінен пераадолець адрэзак у 6 кіламетраў 650 метраў.

Больш падрабязна з памерам стартавага ўзносу для кожнага ўдзельніка або каманды вы можаце азнаёміцца ў РЭГЛАМЕНЦЕ.

У пакет удзельніка ўваходзіць: стартавы нумар з чыпам і шпількамі, бо рэзультаты фіксуюцца электронным хронаметражом, гарачае і халоднае пітво, а таксама ежа ў кропках харчавання, распранальня, душавая.

УЗНАГАРОДЖВАННЕ

Пераможцы ў асабістых спаборніцтвах ва ўсіх узроставых групах сярод мужчын і жанчын узнагароджваюцца памятнымі прызамі, сертыфікатамі і медалямі. Удзельнікі, якія занялі 2-е, 3-е месца – сертыфікатамі і медалямі.

Каманда-пераможца ў камандных відах спаборніцтваў (эстафет) узнагароджваецца кубкам, а ўдзельнікі каманд медалямі. Удзельнікі каманд, якія занялі 2-е, 3-е месца – медалямі.

РЭКАМЕНДАЦЫІ ЎДЗЕЛЬНІКАМ

Для таго, каб забег прынёс вам радасць і масу станоўчых уражанняў прытрымлівайцеся нашых рэкамендацый. Не варта недаацэньваць сілу маразоў і пераацэньваць свае магчымасці.

Неабходна за 2 гадзіны да старту шчыльна паесці, так як арганізм, трапляючы ў экстрэмальныя халодныя ўмовы, марнуе шмат кілакалорый для сагравання. Ні ў якім разе не ўжываць алкаголь напярэдадні і падчас забегу.

На працягу дыстанцыі будуць прысутнічаць валанцёры, калі раптам вы адчулі прыкметы пераахаладжэння, неабходна адразу звярнуцца да валанцёраў, якія неадкладна вам дапамогуць.

Ваша галоўная мэта перад стартам – не змерзнуць. Падыдуць любыя спосабы: размінка, скачкі ў стартавым калідоры або надзеньце цёплую і зручную вопратку, якую не шкада будзе скінуць на дыстанцыі.

Падчас бегу рабіце ўдых носам, а выдых праз рот або праз нос, каб дыхальныя каналы перыядычна праграваліся цёплым паветрам з лёгкіх.

ВЫДАЧА НАГРУДНЫХ НУМАРОЎ

Нагрудныя нумары ўдзельнікам спаборніцтваў выдаюцца ў адпаведнасці з пададзенымі заяўкамі 26 снежня з 15:00 да 20:00 і 27 снежня з 9:00 да 10:30 у фае дзяржаўнай установы “Рэспубліканскі цэнтр алімпійскай падрыхтоўкі па лёгкай атлетыцы” па адрасе: г. Мінск , вул. Каліноўскага, 111.

Каб атрымаць нумар удзельніка, неабходна прад'явіць пасведчанне асобы і медыцынскую даведку або распіску (папярэдне раздрукаваную з сайта і запоўненую, у тым ліку аб персанальнай адказнасці за жыццё і здароўе).

Дрэс-код (рэкамендуецца): на дыстанцыю спаборніцтваў рэкамендуецца выходзіць мужчынам з аголены торсам, жанчынам у боды або ў майцы з кароткім рукавом. Абавязковай умовай выхаду на старт з'яўляецца зімовая шапка, рукавіцы і цёплая флісавая кофта на поясе.

Від трасы і дыстанцыі: трэйлавая. На трасе шмат уздымаў, спускаў. Дыстанцыя 6 кіламетраў 650 метраў – 1 круг; дыстанцыя 20 кіламетраў – 3 круга.

ТУТ – спасылка на рэгістрацыю ў асабістых спаборніцтвах

ТУТ – рэгістрацыя на эстафетныя забегі

Чакаем усіх на нашым свяце спорту!